رحلة الأخوة و المحبة من تونس الى الجزائر

المثلث الذهبي واحد من الجنوب الشرقي واحد من الجنوب الغربي و احد من الشمال ثالثة رحالة عسل ولمتهم البسكلات المرة هذي درو بسكلاتاتهم شدو الطريق نحوا الجزئر الشقيقة بلاد الميلون و نصف شهيد بلاد الشهامة و الكرم انا قللكم باش تحسوا برواحكم انكم في تونس من اخلاق العالية للاشقاء الجزئرين رحلة موافقة





اليوم الأول من الرحلة 04 سبتمبر 🤗
بعد ما دخلنا الديوانة التونسية اللي بزهرنا لقيناها فارغة و متعطلناش ،كان الإنطلاق عاى ساعة 11h صباحا و فيسع دخلما لأول قرية عرضتها وهي "ام الطبول" ديراكة ناس بدأت تشجع فينا و يصوروا معنا و تسمع كان " تحيا تونس" .. بعد عرضوا علينا اصدقاء تعرفنا عليهم فالطريق باش ندخلو🎙🎛 نفطروا بحذاهم فالمخيم العائلي "طنقة"🏕🏖🏜🏙 .. فطرنا و ركحنا امورنا و عملنا تقييلة باهية رجعت فينا الروح بعد الصعدات...
احنى هاكاكا و جانا مراسل إذاعة راديو "الطايف" سجل معانا و حكينالو على أهداف رحلتنا للقطر الشقيق و فرح بينا كيما فرحوا بينا كل خواتنا الجزائريين خاصة كيف يعرفونا توانسة... كملنا تبسكيلتنا قرية وراء قرية، مدينة وراء مدينة لين وصلنا مع غروب الشمس على الساعة 19h30 لولاية "عنابة" ⚘ اللي باش نقضوا فيها ليلتنا و غدوة نشدوا طريق "قسنطينة" ان شاء الله.
المسافة المقطوعة ليوم هي 105كلم الوبقية تأتي ان شاء الله
اليوم الاول الاثنين 4 سمبتمبر اللواج خذتنا من تونس هيطتنا في الديوانة ركبنا باڨاجنا على البسكلات دحلنا الديوانة التونسية و بعد الجزائرية تسهيللات ديوانية من الجهتين .
خرجنا من الديوانة مغ 11:00 في اتجاه ام الطبول القالة من ولاية الطارف وسط ترحيب من الاشقاء الجزائرين بتزمير سياراتكم و التشجيع .
كانت لنا وقفات مع الاهالي و مداخلة على الطريق مع مراسل اذاعة الطارف.
كان وصولنا الي عنابة مع غروب الشمس .مضائف الشباب كلها ملانة اضطررنا الي الاقامة في نزل صغير " نزل بغداد " .
المرحلة الاولى قطعنا 105 كلم المرحلة الغد عنابة قسنطينة 150 كلم ان شاء الله.



--------------------------------------------------------------------------------------------------------------------
5 سبتمبر اليوم الثاني من الرحلة
بعد ليلة قضيناها في وتيل زغير في مدينة "عنابة" قصدنا ربي لولاية "قسنطينة" عاصمة "نوميديا"🏛 سابقا مرور بولاية "سكيكدة" 🗺 .. فالأثناء تعرفنا على خونا الدراج "ديدين" اللي ضيفنا على بعض المشروبات و خذينا قسط من الراحة و نسقلنا مع عائلة رياضية باإمتياز ضيفونا عندهم و فرحوا بينا تعرفوا علينا و تعرفنا عليهم و طوالت بينا السهرية معاهم و ما فقناش بالوقت كيفاش تعدى رغم التعب ... حكينا على تاريخ "قسنطينة" المدينة المعلقة، مدينة الجسور🏞🏔 .. وهي عبارة على تحفة معمرية شيدها "القسطنطيني" مؤسس "إسطنبول" عاصمة "تركيا" حاليا 🏙🕌... حالفنا الحظ و وصلنا بكري باش درنا وحوسنا مليح و صورنا "الجسر العملاق" حاااااجة روعة وتمتعنا بمنضر "téléphérique" اللي يربط قمم المدينة ببعضهم 🏔 ... مرحلة ليوم كانت احلى ببرشا من مرحلة الأمس.. هكا وفا نهارنا بعد ما قطعنا 150كلم بين عنابة و قسنطينة و هكا تكون المسافة الجملية 255كلم . 🤗



--------------------------------------------------------------------------------------------------------------------

اليوم الثالث من الرحلة 06 سبتمبر
بعد ما ستقبلنا "عم الهادي" و عايلتو في دارو وين قضينا ليلتنا لبارح و حسسونا كينا أفراد من العايلة و اكرمونوا مشكورين ... كانت عنا مداخلة إذاعية في راديو " الإذاعة الجهوية بقستطينة"🎙 📸🕭 اللي حكينا فيها على أهداف زيارتنا بالدراجة السياحية للشقيق الجزائر🤗 ...بعدها انطلقنا نحو ولاية "جيجل" عبر ولاية "ميلة" 🗺 مرورا بالمغاور الجبلية ب مدينة الجسور قسنطينة🏔 🏕🏙⛱🏜 ... و كان في رفقطنا خونا Nassim Zoughailech اللي بتنا عندو و خونا الدراج Didine Belhani اللي سبق و تقابلنا معاه في ولاية "عنابة" بعد ما قروا انهم يعمل معا زوز مراحل من رحلتنا وصولا إلى ولاية "تيزي وزو" انشاء الله ... ليوم تمتعنا برشة بمنضر البحيرات الجبلية 🏞و السدود و الطبيعة الخلابة من حولها رغم اللي الطريق مكانش ساهل فيه برشة صعدات و عرضنا فيه الريح ...فاللخر وصلنا إلى معتمدية "بو سعيد" من ولاية "جيجل" و قرارنا انا نخيمو على البحر 🏕وين نصبنا خيامنا و طيبنا عشانا... نهار ليوم استثنائي شبعنا فيه بالطبيعة و قطعنا فيه مسافة 101 كلم و بهكا تكون المسافة الجميلة المقطوعة 356كلم.







--------------------------------------------------------------------------------------------------------------------
اليوم الرابع من الرحلة 07 سبتمبر 2017 🤗
بعد ما قضينا ليلتنا مخيمين على شاطئ "سيدي عبد لعزيز"⛱🏕 قمنا صباح فطرنا و شدينا طريقنا احنا و رفقاءنا الجدد فالرحلة نحوم مدينة "جيجل" وين عملنا فيها دورة زغيرة و مشينا فيها انا و "طونطون" للحجام و ونضفنا شوية حالتنا ... مع نصف النهار قصنا ربي نحو ولاية "بجاية" وين باش تبدأ مرحلة جديدة في بلاد لقبايل الأمازيغية 🏞 ... و بكل صراحة نقلكم الي مرحلة ليوم احسن مرحلة ملي بدت مغامرتنا تمتعنا بجمال الطبيعة والحيونات اللي تعيش فالغابة كيما "القرودة" و و شبعنا بخضار الجبال صفاوت البحر و ذلك على طول الرحلة .. وين حبسنا مرة و ثنين و عشرة باش نصوروا و تعبوا عينينا بحاجة منشوفهاش كل يوم ... فالأثناء زرنا المغاور الجبلية المجوفة و اللي هي تحت تأثير ضاهرة " stalactites stalagmites" 🏔... من بعد كملنا طريقنة الي حدود معتمدية "تيشي" من ولاية بجاية.
هكا وفت مرحلة اليوم بعد مقطعنا فيها مسافة 106كلم فيها برشة جبال و كهوف و تكون المسافة الجملية 459كلم.



--------------------------------------------------------------------------------------------------------------------

الجمعة 08 سبتمبر ، اليوم الخامس من الرحلة
بعد ليلة قضيناها في معتمدينة "تشي" 🛌 من ولاية "بجاية" 🗺 قررنا إنا نخصصوا اليوم هذا للتحويس و الدوران في جبالات "بجاية" القبائلية السياحية و اللي هي من احلا الولايات في "دزاير" و اصعبها من حيث التضاريس ... كانت الوجهة الأولى هي منطقة "يمى قورايا_ Yemma Gouraya" اللي فيها حصن أثري "وندالي" 🏛🏟 يتطلب الصعود ليه 1200 درجة لبلوغ للقمة اللي هي على ارتفاع 700م على مستوى سطح البحر .. من بعد مشينا لل "pic des singes" وين لقينا "les singes Magot" اللي كانوا معانا أليفين خذوا من عنا الخبز و الكايك🧀🌮🌯... و من بعد هبطنا لأحلى بلاصة في مدينة "بجاية" و هو "Cap Carbon" 🗺 اللي هو عبارة على كريك جبل و بحر و فيه مسلك صعيب و ضيق 🏔 وين سكرنا اول 500كلم من رحلتنا في الجزائر ... فالأثناء خلينا أصدقائنا Didine Belhani و Nassim Zoughailech يركحوا في امور سكنتهم🏘 باش يروحوا لولايتي "عنابة" و "قسنطينة" بعد ما عملنا مع بعضنا أكثر من 250كلم ، إستمتعنا فيهم بأحلى الأوقات مع بعضنا و عملنا فيهم بااارشة تصاور في اوقات هبلتنا 🤗 ... باش يخلوا علينا بلاصة كبييييرة ... هكا وفا نهارنا بعد ما ودعنا اصحابنا "نسيم" و "ديدين" و نكونوا قطعنا ليوم 69كلم، لتكون المسافة الجملية 524كلم... *

--------------------------------------------------------------------------------------------------------------------
السبت 09 سبتمبر، اليوم السادس من الرحلة..
بعد ما كان الإنطلاق من معتمدية "تيشي" من ولاية "بجاية" 🗺 كان المقصد معتمدية "ازفون" من ولاية "تيزي أزو" وين تلاقينا مع خونا "حميد" صديق Mrad Bens اللي ضيفنا و فرح بينا و تنقلنا معاه إلى منطقة "ذراع الميزان" وين باش نقضوا بحذاه ليلتنا🛌 المرحلة متع ليوم ياسر صعيبة كلها جبال و في نفس الوقت ممتعة و جميلة و كلها عالبحر حاجة معروفة بيها مناطق "القبايل" .. ناس رحبوا بينا كل حد على طريقتو و صوروا معانا 📸 .. الحاجة اللي تنسيك برشة تعب .. مرحلة غدوة باش تكون مرحلة استثنائية، هي اللي باش نوصلوا فيها "للعاصمة الجزائرية" ان شاء الله وهي اخر نقطة في برنامج رحلتنا ...لكن بحكم وصولنا لنقطة النهاية قبل التاريخ المحدد 🤔...عملنا عدة تحويرات و باش تكون عنا مفاجة سارة ان شاء الله ... تبعونا

--------------------------------------------------------------------------------------------------------------------

اليوم السابع الاحد 10 سبتمبر
بعد ليلة قضيناها في ضيافة حميد مشكور قمنا مع السبعة و نصف فطرنا و طلعنا معاه في سيارته لوسط المدينة الي يسكن فيها ذراع الميزان شربنا قهوة مع بعضنا و ودعناه و انطلقنا في اتجاه العاصمة
انطلاقا من بومرداس الطقس تبدل ولت مطر خفيفة لبسنا حوايج لمطر و كملنا طريقنا لاكن 50 كلم قبل الوصول الي الجزائر تقوت المطر برشة مما اجبرنا للتوقف تماما لمدة نصف ساعة بعدها واصلنا طريقنا حيث كان وصولنا الي العاصمة مع الساعة الخامسة و كان في استقبالنا مجموعة من الشباب .....
ودعنا خونا و حبيبنا مراد نضرا لالتزاماته المهنية و العائلية خير العودة الي تونس بالقطار جزائر عنابة اصطحبناه لمحطة القطار و ودعناه فيما نحن خيرنا مواصلة الرحلة في اتجاه الغرب اي الحدود الجزائرية المغربية تبسة وهران تلمسان .....
شكرا للاخوة الجزائرين لحفاوة الاستقبال و لتسهيل باقي جولتنا في ماىتبقى من رحلتنا.
انتضرنا حتى قدوم محمد و اسلام حيث سنتصحبهم الي دارهم للاقامة اقترحو علينا القيام بجولة في العاصمة اعتذرنا نضرا لتبلل ادباشنا و حاجتنا الماسة للراحة .
قطعنا اليوم 98 كلم من ذراعة الميزان في القبائل الي الجزائر العاصمة.
بوصولنا للعاصمة نكون قد قطعنا 720كلم .
--------------------------------------------------------------------------------------------------------------------


اليوم الثامن الاثنين 11سبتمبر .
بعد ليلة قضيناها في ظيافة اخونا اسلام و عائلته في العاصمة الجزائر مشكورين .
كان نطلاقنا صباحا مع الساعة ابثامنة و النصف بداناها بجولة في اطراف العاصمة و الساحات العمومية ثم اخذنا الطريق الساحلي نحو تيبازا و شرشال.
قبل خروجنا من احواز العاصمة تمكنا من استبدال ال pedale دراجتي المعطب .
خيرنا الطريق الساحلي على الطريق السيارة الى تيبازا و بعده شرشال لقلة الحركة المرورية و لكثرة القرى في طريقنا للتزود و الراحة.
الطريق الساحلي يشبه كثيرا منطقة عين دراهم ببوش ....
عند وصولنا للمحاميد مع الساعة الثامنو ليلا كان في انتظارنا اخونا مهدي مدرب رياضة بحرية katsurf حيث اسطحبناه الي دارة اين
قضينا لليلتنا حيث كانت لنا سهرة مع العائلة .
شكرا خونا مهدي و تحية لزوجته و اختها اكرم الضيافة و الترحاب عائلة خوما مهدي متعودة على زيارة تونس سنويا ان شاء الله نراها قريبا في جربة.
بمرحلة العاصمة المحاميد نكون قد قطعنا 152 كلم .
و البذالك تكون المسافة الجملية المقطوعة بالدراجة 825 كلم.
--------------------------------------------------------------------------------------------------------------------

اليوم التاسع 12 سبتمبر.
مرحلة الحمدانية شاطئ بني حواء
.بعد ليلة في ضيافة خونا مهدي انطلقنا بعد فطور الصباح مع الساعة الثامنة سالكين الطريق الساحلي توقفنا في شرشال حيث زرنا المتحف الاثري حيث تجولنا فيه و تعرفنا على ما توصلت اليه الحفريات في منطقة شرشال امام المتحف حديقة جميلة اغلب روادها من المتقاعدين حيث كان لنا معهم حديث مشوق على الاخوة الجزائرية التونسيةبعيدا على السياسة.
واصلنا طريقنا الي شاطئ بني حواء حيث نصبنا خيامنا و اشعلنا نار التخيم و بدانا في تحضير العشاء " عجة تونسية محرحرة " من اعداد خونا معاذ الي طلع ملك العجج بامتياز .
قطعنا في مرحلة اليوم 76 كلم .
في تسعة ايام نكون قد قطعنا جمليا901 كلم و مازازال مازل.
وجهتنا المقبلة المواصلة على الطريق الساحلي حتى الوصول الي وهران ان شاء الله .
دمتم في رعاية الرحمان.
--------------------------------------------------------------------------------------------------------------------


13 سبتمبر اليوم العاشر من الرحلة ...
بعد ما خيمنا 🏕🏖 و قضينا ليلتنا في منطقة "بني حواء" من ولاية "الشلف" 🗺 قمنا لمينا بقاجنا و فطرنا 🧀 و هزينا بساكلنا و إنطلقنا على الساعة 9 صباحا نحو أقصى بلدية من الولاية وهي مدينة "القلتة" .. طريق كان ياسر صعيب و كل جبال 🏔في اولو الحاجة اللي خالتنا نقطعو 27كلم في 3h30 من حسن حضنا اللي ريح ولا معانى و تصلح طريق و قدرنا نوصلو إلى نقطة نهاية مرحلتنا مع نزول الشمس .. لحقيقة متمتعناش برشة ليوم و مخذيناش برشة تصاور 📸 نضرا و أنو نفس المناضر الطبيعية على الشريط الساحلي قاعة تعاود جبل و خضار و بحر ..و عند وصولنا لقرية "القلتة" 🗺 محسيناش بالوضع الأمني المعتاد ولينا كلينا حاجة خفيفة و خيمنا خفية على الشاطئ دون أضواء او نار المخيم .
هكا وفا نهارنا بعد ما قطعنا 93كلم و تكون المسافة الجملية 994كلم.

--------------------------------------------------------------------------------------------------------------------

14 سبتمبر اليوم الحادي عشر من الرحلة..
بعد ما قضينا ليلتنا مخيمين عالبحر في قرية "القلتة" 🏕🏖🏞من ولاية "الشلف" 🗺 لمينا بقاجنا و بساكلنا و شدينا الطريق على الساعة 9h صباحا و نحو ولاية "مستغانم" 🗺ولكن فوجئنا بصعوبة المسار اللي كان في أولو كلو جبال 🏔 و اللي زاد قلقنا الريح كان ضدنا ... وقفنا عملنا فطور صباح و واصلنا طريقنا، فالأثناء تواصل سحر الشريط الساحلي الجزائري الي كلو خضار و بحر و جبال لين صرنا على مشارف مدينة "مستغانم" وين لقينا زوز رعات إبل من ولاية "تمارست" 🗺 اللي تقع في أقصى الجنوب الصحراوي من الجزائر و تبعد أكثر من 2000كلم عالى العاصمة .. استقبلونا في خيمتهم و ضيفونا عندم و قدمولنا حليب الإبل اللي مصبرش عليه عمكم "صااااميير" و شربو بالوقت.. بعد الترتيحة كملنا طريقنا لين وصلنا مع 18h. ..خيرنا الأقامة في دار الشباب وين غسلنا حوايجنا و حالتنا و خرجنا تعشينا و حوسنا شوية في مدينة "مستغانم" اللي هي مدينة ساحلية كبيرة طقسها جميل و ناسها منفتحين عالأخر و رحبوا بينا في كل بلاصة.🏔🏞
هكا وفا نهارنا بعد ما قطعنا 91كلم و تكون المسافة الجميلة 1085كلم.
غدوة ان شاء الله باش تكون وجهتنا مدينة "وهران" المرحلة القبل الأخيرة.

التخييم في سيدي الحشاني مع العم سمير و إبنه حكيم

زيارة قلالة الأمازيغية والتعرف على أهم مميزات المدينة و العادات الجربية من خلال متحف قلالة